miss marjoja
عدد الرسائل : 1708 العمر : 31 المزاج : Marrrra mabsooo6a:D:D تاريخ التسجيل : 07/07/2008
| موضوع: الآكلات المكاويو لووول الإثنين يوليو 07, 2008 9:43 pm | |
| اهلين كيفكم حبيت انقلكم دا الموضوع بس عشان نضحك على الاسامي اللي ممكن تقرؤها ونتفرج عالفلة شوية هههههه يلا اسيبكم مع الموضوع
الأكلات المكية لها طعم ونكهة ونشأة واللي يحلي الأكلات ويطعمها زيادة إنو لكل أكلة مناسبة تتعلق بيها وما ناكلها إلا في المناسبة حقتها
نحنا كدة المكاكوه وبالزات العتقية القدم لنا تصانيف وتباتيك في الاكل والشرب مايعلم بيها الا الله عز وجل ماشية معانا من أيام ما فنو الأوادم
أقروا الموضوع ومخمخو وبعدين قولوا رأيكم عن هادي العادات
طيب يا سيدي انت وهو والكلام للجميع
الأكلات المكية ترتبط بعادات ومناسبات يعني كل اكلة ولها مناسبة زي أيش ؟؟؟
هيا خدو عندكم ....
الرز بحمبص والسقط والمعرق أو المختوم والششني هادي الأكلات خاصة بالعزا وزيادة في التوضيح اليوم الأول والتاني والتالت يطبخو الرز البحمبص واليوم التالت اللي يسموه قطع العزا يسوو الششني والمعرق والمختوم والسقط
الكابلي أو الزربيان والسمبوسك والطورمبة هادي يسووها وقت المناسبات والأفراح للرجال أما الحريم يجيبولهم الميز طبعا زمان أول مافي لا ميز ولا يحزنون ياكلو من نفس أكل الرجال بس يسوو قليل بريك او بف بالجبنة والا باللحمة شغل بيتي يعني واللي تعرف تسوي كيك بالبرتكان او الموز تسوي صينية علشان يحلو بيها بعدين جانا الميز والشغلات الجديدة هادي
المعدوس ( الرز عدس ) هادا يسووه المكاكوة يوم الغيم والمطر ومعاه روبيان مكشن بالقوطة والبصل والفلفل الأخضر وزلطة حمر وكيف لو كنا ساكنين في بلاد الخواجات على كدة كل يوم معدوس ألين البطن تسير زي الطبلة
الملوخية الخضرا هادي تتعمل في اليوم الأول من السنة الهجرية الجديدة على الغدا من باب التفائل إنو ربنا يجعلها سنة خضرا وخير للجميع
الحليب أبو الهيل هادا برضو كمانة ينشرب في صبحية أول يوم في السنة الهجرية الجديدة
السليق هادا يسووه في المناسبات لمن يكون الجو باااااااااااااااااارد
الدبيازة معروفة على ما أعتقد للجميع يسووها للفطور أول يوم العيدالمعمول والغريبة يسووها في أيام الحجالسمك مايتاكل إلا في الشعبنة علشان في رمضان الناس ماتاكل السمك بس هيا كدة عادة شعبنة يعني اضرب سمك وصيادية
عشرة عاشورا ( 10 محرم ) رز زربيان الحلو وزلطة لبن أبو الفلفلالسحلب يسووه في الأيام الباردة علشان يلم العضم ويدفي الجتة بالزات لو فيلو شوية جنزبيل
القهوة الملوزة اللي يحطولها لوز بجلي مهروش طبعا هادي وقت البزورة ما ينجحو والا يسقطو يسوولهم هيا قيد ماتفرق لو البيت فيلو خمسة بزورة ناجحين وتلاتة صاقطين رايحين يلغو القهوة الملوزة
وغير أكلات رمضان الخشاف والماسية ومكارنة باللبن إزا تعرفوها والقطايف هادي ياكلوها من السنة للسنةالمجلب ( مجموعة أعشاب مخلوطة عن العطارين ) زماااااان ويمكن دحين مافي حرمة تنفس وتولد إلا يصنجوها مغراف مجلب علشان يكرت وصخ البطن والولادة وينضفها
الزلابية واللقيمات ( اللنقطة ) أول ما ينقال اسمها نتزكر العيد والفطور حق العيدالسلالي والمقلقل واللحم نفتكر على طول عيد الحج يندبح الطلي ومايبقى شي منو تبارك الرحمن كل شي يتاكل فيه حتى الرجول يسوو بيها مقادم والمفاصل نلعب بيها كبوش والفروه يفرشوه على عتبة البيت زي الدعاسات دحين والديل نشوح البزورة بيه زي البواكير ههههههههههههه
زي ماشفتو الأكلات اللي قلنا عليها لها مناسبة أو وقت معينه تتاكل فيها مع انو يمدينا ناكلها طووووووووووول السنة مو مشكلة ويمكن كتير ناس هجروا وفلتو تباتيك زمااان الا مارحم الله بس هيا زي ماتقولوا شغلة تعود
وعلى قولة المثل الله لايقطع العادة إلا بسلااامة منقـــــــــــــــــــــــــــول
| |
|
eChO fEmAlE المديره الـ ع ـامه للـ ح ـياة
عدد الرسائل : 512 العمر : 34 المزاج : tmaaam تاريخ التسجيل : 01/06/2008
| موضوع: رد: الآكلات المكاويو لووول الإثنين يوليو 07, 2008 9:47 pm | |
| lo0o0o0o0o0o0o0o0o0ol asma2 to7fa rhebeen ahel makkah ygnenno yslmoo ya 3sl | |
|
live your life
عدد الرسائل : 600 العمر : 31 الموقع : لسا ما سويت المزاج : اااااااه معدوووم تاريخ التسجيل : 11/07/2008
| موضوع: رد: الآكلات المكاويو لووول الإثنين يوليو 14, 2008 3:09 pm | |
| | |
|
roja
عدد الرسائل : 252 العمر : 30 تاريخ التسجيل : 27/06/2008
| موضوع: رد: الآكلات المكاويو لووول السبت يوليو 19, 2008 9:49 am | |
| | |
|
miss marjoja
عدد الرسائل : 1708 العمر : 31 المزاج : Marrrra mabsooo6a:D:D تاريخ التسجيل : 07/07/2008
| موضوع: رد: الآكلات المكاويو لووول الجمعة أغسطس 22, 2008 12:21 pm | |
| - eChO fEmAlE كتب:
- lo0o0o0o0o0o0o0o0o0ol
asma2 to7fa rhebeen ahel makkah ygnenno yslmoo ya 3sl شايفة كيييف اكيييييييييييييييد يجننو الله يخليهم كلهم والله مررررررررة احبهم ههههههه يسلمو على مرورك | |
|
miss marjoja
عدد الرسائل : 1708 العمر : 31 المزاج : Marrrra mabsooo6a:D:D تاريخ التسجيل : 07/07/2008
| موضوع: رد: الآكلات المكاويو لووول الجمعة أغسطس 22, 2008 12:22 pm | |
| يسلموووووو على مروركم الرائع | |
|
أحلى نونا
عدد الرسائل : 1052 العمر : 33 تاريخ التسجيل : 04/07/2008
| موضوع: رد: الآكلات المكاويو لووول الجمعة أغسطس 22, 2008 4:44 pm | |
| عن جد تحفة بس المشلكة انو صح ههههههههههههههههههه يسلمو يدك على الموضوع الحلو | |
|
don don *-*
عدد الرسائل : 111 العمر : 29 المزاج : cute تاريخ التسجيل : 08/12/2008
| موضوع: رد: الآكلات المكاويو لووول الأربعاء ديسمبر 10, 2008 2:24 pm | |
| ههههههههههههههههههههه انا تقريبا ماكلتها كلها وفي مناسباتها كمان والله حلوه العادات اما الاسامي فلا تسأليني عنها يسلموووووووووووووووو يا غريبه | |
|